PTS Islamika Sdn Bhd sedang menterjemahkan Quran ke bahasa Iban dan Kadazan. Kos ditanggung sepenuhnya oleh PTS.

PTS sedang mencari 2 orang editor-cum-penyemak terjemahan. Jawatan yang ditawarkan adalah kontrak selama 2 tahun, dan perlu bertugas di ibu pejabat PTS di Kuala Lumpur. Tiada had umur.

Di bawah adalah contoh terjemahan Quran dalam bahasa Iban:

Surah an-Nas (Mensia)

Enggau nama Allah petara ti pemadu manah serta pemadu penyayau.

1. Sebut meh ulih nuan (nabi Muhammad s.a.w) aku belalai dalam kuasa Petara ti nyaga semua mensia.

2. Petara ti megai semua mensia.

3. Petara ti patut disembah kitai bansa mensia.

4. Ari penyai sitan ti belalai.

5. Sitan ti nelai ke penyai ngagai ati anak mensia.

6. Sitan ari bansa mensia enggau bansa antu.


Surah al Falaq (Pagi Ari)

Enggau nama Allah petara ti pemadu manah serta pemadu penyayau.

1. Sebut meh ulih nuan( nabi Muhammad s.a.w) aku belalai dalam kuasa Petara ti megai pagi ari.

2. Ari penyai semua utai.

3. Enggau penyai malam ari maia ari udah petang.

4. Sereta mega ari penyai orang indu manang ti besampi lalau niup ke leka sampi ia ngagai tali ti dikena. Ia ngerusak ke orang.

5. Enggu penyai anak mensia ti kepapa lebuh maia ia ti kepapa.


Surah al Ikhlas

Enggau nama Allah petara ti pemadu manah serta ti pemadu penyayau.

1. Sebut meh ulih nuan oh nabi Muhammad s.a.w,Allah Taala tu petara ti siko aja nadai dua nadai tiga.

2. Allah Taala tu endor semua utai begantong serta dikarap.

3. Ia nadai beranak lalu nadai mega diperanak ke sapa-sapa.

4. Lalu nadai mega sapa-sapa ti sama tauka sebaka enggau ia.


Surah al Masad

Enggau nama Allah petara ti pemadu manah serta ti pemadu penyayau.

1. Ancur meh tapa jari Abu Lahab (1) serta ia empu pan ancur.

2. Nadai siti pan ari reta tengkira ia ti ulih nulung pia mega ari utai ti digaga ia.

3. Ketegal ia ila tama ngagai api besai.

4. Lalu pia mega enggau bini ia,ke mai kayu api.

5. Ba rekong ia bisi tali ari sabut.


Surah al-Nashr

Enggau nama Allah petara ti pemadu manah serta ti pemadu penyayau.

1. Maia nya udah datai tulung ari petara serta orang islam menang.

2. Lalu nuan ulih meda bala mensia nerima pengarap ti betul enggau maioh.

3. Puji meh petara nuan serta minta ampun ngagai ia laban ia endang pemadu sayau serta ia ti nerima orang ti salah ngelaban ia.


Surah al-Kafirun

Enggau nama Allah petara ti pemadu manah serta ti pemadu penyayau.

1. Sebut meh ulih nuan oh nabi Muhammad s.a.w oh kita ti enda arap ka petara serta nyembah petara ti salah!

2. Aku enda nyembah utai ti disembah bala kita.

3. Lalu kita pan enda nyembah petara ti disembah aku.

4. Aku pan pia mega nadai nyembah utai ti disembah bala kita

5. Kita pan nadai kala nyembah petara ti disembah aku.

6. Enggi kita pengarap kita lalu,bagi aku pengarap aku.


Surah al-Kausar

1. Oh! Muhammad s.a.w kami meh ti meri ka nuan sebatang sungai di surge.

2. Patut lah bagi nuan semayang enggau meri makai ngagai anak mensia ari isi jelu ti halal.

3. Ka endar orang ti begedi ka nuan nya meh ti putus (nadai penyayau petara ka ia)


Surah al –Maauun

1. Kati nuan ngelala orang ti nipu pengarap islam?

2. Ia nya ari bala mensia ti nganu anak patu balu.

3. Lalu nadai meri makai ka orang ti suntok belanja.

4. Tulah meh ngagai bala anak mensia ti semayang,

5. Ari bala anak mensia ti bemain maia semayang.

6. Serta anak mensia ti ngerja ka pengawa ti mujur manah awak ka orang muji ia.

7. Serta anak mensia ti kepapa enggau reta tengkira ia maia orang datai minta tulung.


Surah al-Quraish

1. Ketegal udah selalu biasa sida bansa quraish tu.

2. Bejalai jauh bedagang ngagai menoa bukai.

3. Lalu dipadah ka ngagai sida ia sembah meh petara ti ngempu ka’abah tu.

4. Petara ti meri makaingagai sida ia awak ka sida enda lapar pungkang lalu nadai berasai takut maia bejalai.


Surah al-Fiil

1. Kati nuan enda merati ka bakani petara nuan ngancur ka raban sedadu ti mai gajah?

2. Kati ukai ia ka ti ngasoh bala sedadu nya putus pengarap ari ngancur ka ka’abah?

3. Lalu ia petara tu tadi ngelaban enggau nganjong ka sedadu nya burong pipit.

4. Burong nya nikau ka batu ngagai sida batu ari tanah ti udah ditunu.

5. Raban sedadu tu tadi nyadi baka daun kayu ti diempa ulat abis belubang.

-------------------------------------------
Nota Kuliah:

Puan Ainon Mohd
Presiden,
Universiti Terbuka PTS
.(JavaScript must be enabled to view this email address)
Hakcipta Terpelihara Universiti Terbuka PTS 2006